Ragam 

buku ende 186

74 Views

Nasa Jolma Ingkon Mate (Buku Ende No. 334, Kunci Logu No. 186)

  1. Nasa jolma ingkon mate Ingkon mago sibuk i
    Na mangolu ingkon mate Asa tung denggan muse
    Daging on do gabe bangke jala ingkon do malangke
    Asa sogot bangkit i Tu hasangaponna i
  2. Ipe ndang be juaonku Roha ni Debatangki
    Lehononku do hosangku Ndang be marsak au disi
    Ai di bugang ni Jesusku Dapot au hangoluanku
    Ala hamamate Ni Do tarapul rohangki
  3. Jesus Kristus nunga mate Ala ni mangolu au
    Singkop tua bangka diparade I pe las rohangku lao
    Manadingkon pardagangan Mandapothon hasonangan
    Mandapothon Jesuski Ai malungun au tusi
  4. Sonang ma disi rohangku Molo jongjong au disi
    Dohot sasude donganku Na marhasangapon i
    Dohot Serapim silehon Sangap nang hamuliaon
    Di niendehonNa i Sangap di Tuhanta i
  5. Dohot do disi maringan Na badia i sude
    Ompu dohot Panurirang Nang sude Apostel pe
    Ai marriburibu taonna Lao tumopot ingananna
    Nilai na badia i Pasangaphon Tuhan i
  6. Udara murni Jerusalem na uli Tiur ni panondangMi
    Sonang dohot au maruli Tumangihon endemi
    On pe timbul las ni roha On pe binsar nasa tua
    On ma istal i tahe Na so olo salpu be
  7. Ai idaon ni matangku Hasangapon i sude
    Hatigoran do uloshu Na pasangap au muse
    Pinarsanggul hamonangan Jongjong au di hasonangan
    Maradophon Debata Sai kentung-kentung, Haleluya

Source: https://bukuende.wordpress.com/2013/06/16/nasa-jolma-ingkon-mate-buku-ende-no-334-buku-logu-no-186/